سورہ ياسين کا اثر انسان کي زندگي پر
logo512-articles

Abstract

By سورہ ياسين کا اثر انسان کي زندگي پر

قرآن کریم یوں تو مکمل ھدایت ہے کیونکہ اللہ نے اس کو اسانوں کی ہدایت کے لئے بھیجا ہے لیکن ہدایت کے ساتھ ساتھ اللہ نےاس میں بہت سی برکتیں رکھی ہیں اس کی ہر آیات اور ہر سورہ انگنت برکتوں کا حامل ہے آج ہم اس قرآن کے ایک سورہ کی برکتوں کے بارے میں گفتگو کریں گے اور اس سورہ کا نام سورہ یاسین ہے۔

سورہ یاسین کے آثار و برکات

سورہ مبارکہ ياسين انسانوں کي پوري زندگي، جسم اور روح، مال و دولت، صحت اور فلاح و بہبود، زندگي اور موت، اس دنيا اور آخرت کو متاثر کر سکتي ہے.

پيغمبر اسلام(ص) اور ائمہ اطہار نے اس کے اثرات کو بيان کيا ہے- پيامبر(ص) نے حضرت علي(ع) سےفرمايا: "اے علي! سورہ ياسين کو پڑھا کرو کيونکہ اس ميں بہت ساري برکتيں ہيں – مثال کے طور پر:

۱) اگر ايک بھوکا شخص اس کي تلاوت کر لے اللہ اس کو روزي ديتا ہے اور اس کا پيٹ بھر جاتا ہے-

۲ )اگر کوئي پياسا شخص اس کي تلاوت کرے، اللہ اس کے ليے پاني فراہم کرتا ہے اور اس کي پياس بجھ جائے گي-

۳ )اگر ايک ننگا آدمي اس کو پڑھ لے ، خدا اسے پہننے کے ليے کپڑا ديتا ہے-

۴ )اگر کوئي غير شادي شدہ عورت اور مرد اس کو پڑھ لے، ان کي شادي ہوجا‏ئے گي-

۵ )اگر کوئي ايک خوف زدہ شخص اس کو پڑھ لے، اس کا خوف اور ڈر، آسايش اور چين ميں بدل جاتا ہے-

۶) اگر کوئي بيمار شخص اسے پڑھ لے اللہ اسے صحت اور سلامتي دے گا-

۷) اگر کوئي قيدي اس کو جيل ميں پڑھ لے، اللہ اس کي آزادي کے ليے کوئي حل نکالےگا-

۸) اگر کوئي مسافر اسے سفر ميں پڑھے، بے شک اس کے ليے سفر کے دوران کوئي خطرہ نہيں ہوگا اور وہ محفوظ طريقے سے گھر واپس آئے گا-

٩) اگر اس کو کسي فوت شدہ کے پلنگ پر پڑھ ليں، اللہ اس کے عذاب اور سزا کو کم کر دے گا اور اسے معاف کرے گا-

۱٠) اگر کسي نے کسي چيز کو کھو ديا ہے اور اس کو پڑھ لے، وہ چيز مل جائے گي-

۱۱) اگر کوئي کھويا ہوا شخص اس کو پڑھ لے، رستہ اسے مل جائے گا اور صحت اور تندرستي کے ساتھ منزل تک پہنچ جا‏ئے گا-

۱۲) اگر وہ لوگ جن کا کھانا کم ہو اور سب کے ليے کافي نہ ہو اس سورہ کو پڑھ ليں، ان کے کھانے ميں برکت آئے گي چنانچہ سب کے ليے کھانا کافي ہوجاتا ہے-

۱۳) اگر کوئي عورت جس کےليے بچے جنم دينا مشکل ہو اس سورہ کو پڑھ ليں، اس کے ليۓ وضع حمل آسان ہو جاۓ گا اور آساني سے بچہ جنم دے گا –

۱۴) وہ شخص جو ياسين کو پڑھ لے کبھي اسے فقر اور غربت کا سامنا نہيں کرنا پڑتا ہے-

۱۵ )اگر کوئي اسے پڑھ لے، تجارت اور کار و بار ميں اس کو نقصان نہيں پہنچ جائے گا-

۱۶) وہ شخص جو ياسين کو تلاوت کرتا رہے، اس کا گھر قدرتي آفات ميں تباہ نہيں ہوتا ہے-

۱۷) وہ شخص جو ياسين کوپڑھ لے، اپني زندگي ميں پاگل نہيں ہو جاتا ہے اور اس کي عقل تباہ نہيں ہوتي ہے-

۱۸) جو شخص اس سورہ کو تلاوت کر لے جذام کي بيماري نہيں ہوتي ہے-

۱۹) وہ جو اس سورہ کو پڑھتا رہے ، وسواس کي بيماري سے دور رہتا ہے-

۲٠) ياسين پڑھنے والا شخص نقصان دہ بيماريوں سے بچ جاتا ہے اور ان کي بيماري ٹھيک ہوجاۓ گي-

۲۱) اللہ تعالي مشکلات اور مصائب کو اس کے ليے آسان بنا ديتا ہے-

۲۲)- اس شخص کو قبض روح کے وقت آساني ہوتي ہے –

۲۳) اللہ زندگي ميں خوشي اور اچھا سا کاروبار ياسين کے پڑھنے والے کو ديتا ہے-

۲۴) خداوند موت کے وقت اس شخص کي خوشي کا باعث بنتا ہے-

۲۵) اللہ تعالي ياسين پڑھنے والے شخص کو آخرت ميں سکھ اور خوشي ديتا ہے اور آسمان اور زمين کے فرشتوں کو بلا کر فرماتے ہيں :”ميں اس بندے سے راضي ہوں- آپ اس کے ليے استغفارکرليں-

۲۶) اللہ تعالي شيطان کو ياسين پڑھنے والے شخص سے دور کرتا ہے تاکہ اس کو برے رستے کي طرف نہ لے جائے اور ہزار فرشتوں کو بھيج ديتا ہے تاکہ اس شخص کو شيطان کي آفات اور شر سے محفوظ رکھيں-

۲۷) موت کے بعد خدا تيس ہزار فرشتوں کو بلا ليتا ہے تاکہ اس کو غسل کر ليں اور اس کے ليے استغفار کرکے اسے قبر تک لے جائيں اور اسے قبر کے اندر رکھ کر عبادت کرليں اور اس عبادت کے ثواب اس شخص کو مل جائے اور اس کي قبر وسيع اور نوراني ہو جاتي ہے-

۲۸)- قيامت کے دن اللہ تعالي اسے فرماتے ہيں کہ: اے ميرے بندے! دوسروں کي شفاعت کرو تا کہ ميں آپ کي شفاعت کو ان کے ليے مان جاۆں-

۲۹)- ياسين پڑھنے والے شخص کو اللہ تعالي بہشت ميں بھيجتا ہے-

نتیجہ

روایات اور احادیث کی روشنی میں یہ بات بالکل واضح ہے کہ قرآن کا ہر سورہ اپنے اندر برکتوں کا سمندر لئے ہوے ہے ، جیسا کی سورہ یاسین کے بارے میں اس مختصر مقالہ میں بیان کیا گیا ہے ، اس مقالہ میں سورہ یاسین کے بعض آثار اور برکات کی طرف اشارہ کیا گیا ہے ورنہ اس اورہ کے اور بھی بہت سے آثار اور برکات ہیں۔